Salo Papalashvili

Icon of the Seas – რა ჯდება მსოფლიოში ყველაზე დიდი საკრუიზო გემით მოგზაურობა?

1 წუთის წასაკითხი
Presented by

Icon of the Seas-ი – რომელიც მსოფლიოში უდიდესი საკრუიზო გემი იქნება, ოცი გემბანით, შვიდი აუზითა და აკვაპარკით – ზღვაში, ივნისის პირველი სატესტო გასვლის შემდგომ, დამატებით ცდებს გეგმავს. პირველი დაგეგმილი მოგზაურობა კი, რომელშიც Royal Caribbean-ის 4,000-მდე თანამშრომელთან ერთად მგზავრებიც მიიღებენ მონაწილეობას, 2024 წლის იანვარში შედგება.

საკრუიზო გემით მოგზაურობისთვის ბილეთების შეძენა პირველად 2022 წლის ოქტომბერში გახდა შესაძლებელი, კაცზე – $1,537-ად. CBS-ის ცნობით, ბილეთების გაყიდვის დღე Royal Caribbean-ის 53-წლიანი ისტორიისთვის ყველაზე მასშტაბური აღმოჩნდა. თუმცა ახლა დასავლეთ ან აღმოსავლეთ კარიბის ზღვის აუზისკენ შვიდდღიანი მოგზაურობა შედარებით ძვირი ჯდება – ყველაზე იაფი, 2024 წლის სექტემბრის რეისია, რომელიც შიდა ოთახი კაცზე $1,851 ჯდება, სხვა თვეებში კი ბილეთების ფასი $2,000-დან $3,300-მდე მერყეობს.

გარე ხედით ნომრის დასაჯავშნად, სექტემბრის მოგზაურობისთვის მგზავრებს $2,061-ის, ხოლო მარტისთვის – $4,119-ის გადახდა მოუწევთ. აივნიანი ნომრები შესაბამისად, $2,249 და $5,245 ჯდება. გემი თითქმის 366 მეტრის სიგრძის იქნება და, სავარაუდოდ, 250,800 ტონას აიწონის. კრუიზზე 16-მეტრიანი ჩანჩქერი იქნება განთავსებული, ასევე ცენტრალური პარკი ცოცხალი მცენარეებით გაფორმებული კედლით, აკვაპარკი, აუზი, სხვადასხვა ტიპის გასართობი სივრცეები და რესტორნები.

Royal Caribbean-ი მოცემული დროისთვის მსოფლიოში უდიდეს საკრუიზო გემს – Wonder of the Seas-ს ფლობს, შესაბამისად, Icon of the Seas-ით კომპანია თავისივე რეკორდს მოხსნის. Wonder of the Seas-ი, რომლის პირველი მოგზაურობაც 2022 წელს შედგა, ახალ საკრუიზო გემზე მხოლოდ ათეული ფუტით მოკლეა, 18 გემბანი აქვს და ჯამში, 7,084 ადამიანის გადაყვანა შეუძლია.

უახლესი

ნიუსლეთერი

სიახლეები თქვენს ინბოქსში

მეტი წასაკითხი

გააზიარე სტატია