დავით ბერაძე

Apple-მა iPhone-ში AI-ფუნქციების განვითარებისთვის OpenAI-სთან მოლაპარაკებები განაახლა

1 წუთის წასაკითხი
Presented by

Bloomberg-ის ინფორმაციით, საკუთარ სმარტფონებში ხელოვნური ინტელექტის ფუნქციების განვითარებისთვის ამერიკულმა Apple-მა AI-ის პროგრამული უზრუნველყოფის სტარტაპ OpenAI-სთან მოლაპარაკებები განაახლა.

მედიის ცნობით, კომპანიები განიხილავენ, თუ როგორ შეიძლება ინტეგრირდეს OpenAI-ის ხელოვნური ინტელექტის შესაძლებლობები Apple-ის iPhone-ის ახალ საოპერაციო სისტემაში, iOS 18-ში. აღნიშნულთან დაკავშირებით მხარეები კომენტარის გაკეთებისაგან ჯერჯერობით თავს იკავებენ.

Apple-ის ხელოვნური ინტელექტის პროგრამებით დაინტერესების შესახებ ინფორმაციას Bloomberg-ი რამდენიმე კვირის წინაც ავრცელებდა. ერთი თვის წინ სმარტფონების ამერიკული მწარმოებელი Google-ის ხელოვნური ინტელექტის ჩატბოტის, Gemini-ს ფუნქციებით ინტერესდებოდა.

არსებული ინფორმაციით, Apple-ს რომელიმე კონკრეტულ AI-პლატფორმასთან პარტნიორობის საბოლოო გადაწყვეტილება ჯერ არ მიუღია. მოგეხსენებათ, Apple-ი კონკურენტებს ხელოვნური ინტელექტის ტექნოლოგიის ათვისებაში შედარებით ჩამორჩება. შესაბამისად, კომპანიის გადაწყვეტილება ამ მიმართულებით ჩამორჩენის აღმოსაფხვრელად ხელოვნური ინტელექტის მოწინავე ტექნოლოგიის მქონე სტარტაპებთან პოტენციური პარტნიორობაა.

უახლესი

ნიუსლეთერი

სიახლეები თქვენს ინბოქსში

მეტი წასაკითხი

გააზიარე სტატია