დავით ბერაძე

ტრამპს სურს, დახმარების სანაცვლოდ, უკრაინამ აშშ-ს იშვიათი მიწა-მეტალები მიაწოდოს

1 წუთის წასაკითხი
Presented by

დონალდ ტრამპის განცხადებით, მას სურს, რომ უკრაინისთვის რუსეთის წინააღმდეგ ომში ფინანსური მხარდაჭერის სანაცვლოდ, ქვეყანამ შეერთებულ შტატებს იშვიათი მინერალები მიაწოდოს. აღნიშნულ ნაბიჯს ტრამპი უკრაინის მხრიდან გადახდის ალტერნატივად განიხილავს.

აშშ-ის პრეზიდენტის განმარტებით, უკრაინის მთავრობა ამ გარიგებისთვის მზადყოფნას გამოთქვამს. აშშ-ისთვის იშვიათი მიწა-მეტალების მიწოდებას ტრამპი უკრაინისთვის $300 მილიარდით დახმარების კომპენსაციად აღიქვამს.

დონალდ ტრამპს არ დაუკონკრეტებია, თუ რომელ იშვიათ მიწა-მინერალებზეა საუბარი. მინერალების აღნიშნული ჯგუფი 17 მეტალისგან შედგება, რომლებიც ისეთ ინდუსტრიებში გამოიყენება, როგორიცაა: მანქანათმშენებლობა, ავტოინდუსტრია, ელექტრონული მოწყობილობები და სხვა.

ცნობისთვის, უკრაინა ურანის, ლითიუმისა და ტიტანის დიდ მარაგებს ფლობს. აღნიშნული და სხვა ტიპის იშვიათი მიწა-მეტალების მარაგები აშშ-ის ტერიტორიაზეც გვხვდება, თუმცა შეერთებულ შტატებში იშვიათი მიწა-მეტალების მხოლოდ ერთი მაღარო ფუნქციონირებს. აქვე გეტყვით, რომ მსოფლიოში იშვიათი მიწა-მეტალების მოპოვების მოცულობით პირველ ადგილზე ჩინეთია.

უახლესი

ნიუსლეთერი

სიახლეები თქვენს ინბოქსში

მეტი წასაკითხი

გააზიარე სტატია