Google-მა რებრენდინგსა და რედიზაინზე განცხადება გაავრცელა, კერძოდ – უახლოეს მომავალში G Suite-ს Google Workspace-ად გადააქცევს. ამერიკული ტექნოლოგიური გიგანტი ფასთა დონეების შემოღებასაც გეგმავს, ამატებს რა Business Plus-ს, რომელიც მოწინავე მენეჯერული ხელსაწყოებით იქნება აღჭურვილი. ამის შესახებ The Verge-ი წერს.
Google-ის უმთავრესი კოზირი რამდენიმე აპლიკაციის ერთად განთავსებაა, თუმცა თავად იდეა ინოვაციური არ გახლავთ – Microsoft-ი უკვე დიდი ხანია ზემოხსენებულის მიღწევას ცდილობს Fluid ქსელით Office-ში. თუმცა, Google Workspace-ის მიერ მსგავსი პროდუქტის შეთავაზება Microsoft-ის ერთგვარი გამოწვევაა. და თუ ეს ყოველივე ბუნდოვნად ჟღერს – Google Workspace-ის ვიცე-პრეზიდენტმა, ხავიერ სოლტერომ, განაცხადა, რომ „ეს Office-ის დღევანდელი ვერსიის დასასრულია.“
Google-მა მიზნის მისაღწევად უკვე რამდენიმე ნაბიჯი გადადგა – მაგალითად, Google Meet-ი Gmail-ში გააერთიანა. თუმცა, კომპანიას უფრო ამბიციური გეგმები ჯერ არ შემოუთავაზებია, როგორიცაა Chat-ში ახალი დოკუმენტის შექმნის ფუნქცია. ასევე აღსანიშნავია, რომ პროდუქტების უმეტესობა „დესკტოპისთვისაა“ გათვლილი, Google-ის აპლიკაციები Chrome-ში და, მომხმარებელთა იმედით, მალე სხვა პლატფორმებზეც იქნება ხელმისაწვდომი. საბოლოოდ, Google-ს რედიზაინიც არ დავიწყებია და Google Workspace-ის აპლიკაციათა აბსოლუტურ უმრავლესობას ახალი დიზაინი ექნება.
Microsoft-ი Google-ის ახალი წამოწყებების გამო, მოწინავე პოზიციას ჯერჯერობით არ დაკარგავს. თუმცა, Google-ის სახეცვლილი პროდუქტი სამომავლო საოფისე აპლიკაციათა ომს მოასწავებს. აღსანიშნავია პრეზიდენტ სოლტეროს გავლენაც, სწორედ მისი ვიცე-პრეზიდენტობის პირველ წელს უფრო მეტი რებრენდირება და რედიზაინი მოხდა, ვიდრე გასული წლების განმავლობაში.
