იზა გვარამაძე

იანვარში ბანკების მიერ გაცემული სესხების მოცულობამ ₾62 მილიარდს გადააჭარბა

1 წუთის წასაკითხი
Presented by

საქართველოს ეროვნული ბანკის მიერ გამოქვეყნებული მონაცემების თანახმად, ქვეყანაში მოქმედი კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2025 წლის იანვარში, წინა თვესთან შედარებით, 459.03 მლნ ლარით, 0.74%-ით გაიზარდა. შედეგად, თვის ბოლოსთვის მაჩვენებელმა 62.68 მილიარდი ლარი შეადგინა. აღსანიშნავია, რომ გაცვლითი კურსის ეფექტის გარეშე 0.28%-იანი კლება დაფიქსირდა.

უფრო კონკრეტულად, ამავე პერიოდში ეროვნული ვალუტით გაცემული სესხების მოცულობა 35.05 მილიონი ლარით, 0.10%-ით გაიზარდა, ხოლო უცხოური ვალუტით გაცემული სესხების მოცულობა – 422.98 მილიონი ლარით, 1.57%-ით.

სებ-ის ინფორმაციით, იანვრის ბოლოსთვის კომერციული ბანკების მიერ რეზიდენტი იურიდიული პირებისათვის ეროვნული ვალუტით გაცემული სესხების მოცულობამ 10.58 მილიარდი ლარი, ხოლო უცხოური ვალუტით – 18.15 მილიარდი ლარი შეადგინა. პირველ შემთხვევაში წინა თვესთან შედარებით 1.34%-იანი კლება, მეორე შემთხვევაში კი 2.46%-იანი მატება დაფიქსირდა.

ეროვნული ბანკის მონაცემებით, იანვრის განმავლობაშია 0.66%-ით, 208.38 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და თვის ბოლოსთვის 31.94 მილიარდი ლარი შეადგინა.

აღსანიშნავია, რომ იანვრის ბოლოსთვის, მთლიანი სესხების ლარიზაციის კოეფიციენტმა 56.32% შეადგინა. ეს წინა თვის მაჩვენებელთან შედარებით 0.358 პროცენტული პუნქტით შემცირებული მონაცემია.

უახლესი

ნიუსლეთერი

სიახლეები თქვენს ინბოქსში

მეტი წასაკითხი

გააზიარე სტატია